தடாகம் ஒலிக்கிறது

  தமிழ்க்கோட்டம்.

____________________________

கல்லாடன்.

"தாமரைப்பூத்த தடாகமடா..."

இசைப்பேரரசு தண்டபாணி தேசிகரின் 

தமிழ்த்தேன்குரல் தெறிக்கவிடும்

திராவிட மகரந்தங்கள்

இந்தியா முழுவதும்

மானிட அறம் பாடட்டும்.

ஆரியத்தின்

அரிதார சூழ்ச்சிகளும்

மானிடத்தைக்கருவறுக்கும் 

அத்துமீறல்களும் அடாவடிகளும்

அழிந்தொழியட்டும்.

பளிங்கு நீரன்ன மனங்களின்

வெள்ளத்தனைய மலர் நீட்டம்

தமிழ்க்கோட்டம் அமைக்கட்டும்.

பகுத்துண்டு பல்லுயிர் ஓம்புதல் 

நூலோர் தொகுத்தவற்றுள் எல்லாம் தலை

என்று நாம் தெளிந்த பின்

முறுக்கு நூல் வர்ணத்து 

முடக்கு வாத பேதங்கள் 

முற்றாக ஒழிந்திடவே

அந்த தடாகம் ஒலிக்கிறது

தடங்கல்கள் யாவும் தவிடு பொடி!

_______________________________