பறப்பான்

 

'It's awesome': world's first flying bike makes U.S. debut | Watch (msn.com)

(Thanks for this LINK)

பறப்பான்

__________________________________

ருத்ரா

மனிதன் வெறும்

"காற்றடைத்த பையடா"..இல்லை

காற்றைக்கட்டி ஆளும்

இயற்பியலை

அவன் "சாதனை இறகு" ஆக்கி

தன் தொப்பியில் சூட்டிக்கொண்டான்.

அமெரிக்காவில் பறக்கும் "பைக்"

வலம் வருவதாக செய்தி இதழ்கள்

புகழ் கூறுகின்றன.

மானிடம் வாழ்க.

மானிடம் வெல்க.

இன்னும் 

வெள்ளைக்கழுத்துடைய‌

பருந்தை

கிருஷ்ணர் என்று நாம்

கன்னத்தில் போட்டுக்கொண்டிருக்கிறோம்.

புஷ்பக விமானத்தை இன்னும்

நாம் பக்தி மூட்டையில் தான்

கட்டிக்கொண்டு

பஜனை செய்து கொண்டிருக்கிறோம்.

விஸ்வரூபம் ஸ்லோகங்களில் இல்லை.

விஞ்ஞான நூல்களில்

அடர்த்தி கொண்டு அமுங்கி இருக்கிறது.

நூல் அணிவு நூல் அறிவு ஆகாது.

மானிடம் எனும் நம்பிக்கையை

உறுதி ஆக்குவது ஒன்றே வழி.

அப்போது நம்

கல்லுக்கும் சிறகு முளைக்கும்.

______________________________________________