கொலுசுகள்

 கொலுசுகள்

_________________________________

ருத்ரா

அங்கே இங்கே போனாலும்

என்னோடு பேசுகிறாய்.

என்ன சொல்கிறாய் என்று

என்னைக் கேட்க விடாமல் 

அந்த ஒலிப்பிஞ்சுகளின்

இனிமையைக்கொண்டு

மூடிக்கொள்கிறாய்.

அதை கண்களாக்கிக்கொண்டு

என்னை நீ

துளைக்கின்றாய்.

ஏழெட்டு வானங்களையும் 

ஊடுருவிக்கொண்டு.

உன் வெண்ணைச்சிற்பக்

கால்கள் கொண்டு நடந்து நடந்து

என்னை செதுக்கிக்கொண்டே இருக்கிறாய்

அந்த ஒலி உளிகளைக்கொண்டு.

_______________________________________